ფრანგ სენატორ ჟოელ გერიოს დეპუტატი სანდრინ ჟოსი ძალადობის მიზნით ნარკოტიკის შეპარებაში ადანაშაულებს.
სანდრინ ჟოსოს თქმით, იგი სამშაბათიდან ოთხშაბათის ღამით იმყოფებოდა სახლში 66 წლის სენატორთან, რომელთაც მას არ აქვს ინტიმური ურთიერთობა და დატოვა სახლი მას შემდეგ, რაც შამპანური შესვა და თავი ცუდად იგრძნო. გამოკვლევამ ორგანიზმში ექსტაზის არსებობა ცხადყო და დეპუტატმა საჩივარი შეიტანა. სენატორის სახლში ჩატარებული ჩხრეკის შედეგად გამომძიებლებმა ექსტაზი იპოვეს.
სენატორის ბრალდებას უარყოფს, მისი ადვოკატი კი ამტკიცებს, რომ ყველაფერი გაუგებრობის ბრალია და არა წინასწარგანზრახული ქმედების.
ჩემი კლიენტი არ არის სექსუალური მოძალადე. მან ეს ნივთიერება საარჩევნო კამპანიის დროიდან ჰქონდა და არ იცოდა მისი ბუნება, თვლიდა, რომ იგი ეიფორიული ეფექტის მქონე იყო და არაფერი ჰქონდა საერთო ექსტაზთან. მას ორშაბათს, ძალიან დაძაბული დღის შემდეგ სურდა მისი მიღება და მცირე დოზა შამპანურის ბოკალში მოათავსა, თუმცა მაშინვე არ მიიღო და სასეირნოდ წავიდა. სახლში დაბრუნებულმა კი მის მოხმარება გადაიფიქრა და დაიძინა. მეორე დღეს, როდესაც მასთან სანდრინ ჟოსი იმყოფებოდა, მან ბოკალი შამპანურით შეავსო და სტუმარს მიაწოდა. არ გახსენებია, წინა საღამოს ბოკალში ეიფორიის გამომწვევი ნივთიერება რომ ჩაყარა. სულ ესაა.
კითხვაზე, რატომ მოისურვა ორშაბათს სენატორმა იმ ნივთიერების მიღება, რომელიც მას საარჩევნო კამპანიის დროიდან ჰქონდა, ადვოკატმა უპასუხა, რომ იმ დღეს მის კლიენტს მოუკვდა კატა, რომელიც 20 წელი იყო მასთან სახლში და გარდა ამისა, იმ დღეს შეხვდა მეგობარს, რომელიც დიდი ხნის განმავლობაში არ ენახა და ძალიან ცუდად გამოიყურებოდა ქიმიოთერაპიის მესამე კურსის გავლის შემდეგ.
ნანტიდან პარიზში გამომგზავრებისას ჟოელი ცოლმა გამოაცილა. მათ ერთმანეთთან ძალიან მყარი კავშირი აქვთ და ადვილი არაა თუნდაც მცირე ხნით განშორება. პარიზში ჩამოსვლისთანავე მას ძლიერ ამაღელვებელი ამბები გადახდა თავს, ცუდად გახდა და ამიტომ ეიფორიის გამომწვევი ნივთიერების მიღება მოინდომა, მას წარმოდგენაც კი არ ჰქონდა, რომ ეს ექსტაზი იყო.
სანდრინ ჟოსის მიერ სენატორის მიმართ გამოთქმული ბრალდების შემდეგ, ჟოელ გერიოს, რომელიც სენატში საგარეო საქმეთა, თავდაცვის და შეიარაღებული ძალების კომიტეტის თავმჯდომარის მოადგილეა, ყოფილი პრემიერის, ედუარ ფილიპის მიერ დაარსებული პარტიის ხელმძღვანელობამ დროებით შეუჩერა მანდატი.
ადვოკატი თვლის, რომ პარტია უდანაშაულობის პრეზუმფციის პრინციპს არღვევს.
ჟოელ გერიო მუდმივად ილაშქრებდა ნარკოტიკის მოხმარების წინააღმდეგ, მის სისხლში, თმაში და შარდში ნარკოტიკის კვალი არ აღმოჩნდა. ის არ აპირებს თვითმკვლელობას აპირებს, მას არაფერი ჩაუდენია სამარცხვინო. ეს ნიშნავს, რომ ის დაუბრუნდება ნორმალურ ცხოვრებას, პოლიტიკურ ცხოვრებას. მას სენატში შესვლა არ ეკრძალება და ის როგორც უპარტიო გააგრძელებს მუშაობას მანამ, სანამ არ დაამტკიცებს თავის უდანაშაულობას, – ამბობს ჟოელ გერიოს ადვოკატი.