გარემოს დაცვისა და სოფლის მეურნეობის სამინისტროსთან აქციაზე დაკავებული 11 პირი სასამართლო დარბაზიდან გაათავისუფლეს. როგორც დაკავებულების ადვოკატმა, ეკა ქობესაშვილმა განაცხადა, მოსამართლემ დააკმაყოფილა დაცვის მხარის მოთხოვნა და სასამართლო პროცესი გადაიდო.
ადვოკატის განცხადებით, აქციის მონაწილეების დაკავება იყო უკანონო და ისინი არ გასცდენიან სიტყვისა და გამოხატვის თავისუფლებიის საზღვრებს.
„რიონის ხეობის გადარჩენისთვის“ ერთ-ერთი ლიდერის, ვარლამ გოლეთიანის თქმით, მათი დაკავება დაშინების მცდელობა იყო და ისინი არ აპირებენ აქციების შეწყვეტას იქამდე, ვიდრე მათი მოთხოვნები არ დაკმაყოფილდება.
ცხრა პირის სასამართლო პროცესი მტკიცებულებებისა და მოწმეების გამოკვლევით 29 ნოემბერს გაგრძელდება, ხოლო კიდევ სამი პირის სასამართლო 30 ნოემბერს ჩაინიშნა. სასამართლომ შსს ვიდეო მტკიცებულებების წარმოდგენა დაავალა.