საგარეო ურთიერთობათა კომიტეტის თავმჯდომარის პირველი მოადგილე მარიამ ლაშხი ევროპული კვლევების ცენტრის ხელმძღვანელს, ცენტრის ასისტენტსა და წარჩინებულ სტუდენტებს შეხვდა.
საუბრის ძირითად თემას წარმოადგენდა საქართველო-ევროკავშირის ურთიერთობები, ევროკავშირის გაფართოების პოლიტიკა და ქვეყნის ევროკავშირში გაწევრიანების პერსპექტივები. საუბარი ასევე შეეხო საქართველოს პარლამენტის როლს ევროკავშირში ინტეგრაციის პროცესში.
„შეხვედრისას ვისაუბრეთ ჩვენი ქვეყნის ევროპულ პერსპექტივაზე. საუბარი გვქონდა საპარლამენტო დიპლომატიაზე და ჩვენს მოლოდინზე ევროკავშირის კანდიდატის სტატუსის მინიჭებასთან დაკავშირებით. სტუდენტებს კითხვები ჰქონდათ საქართველოს წინსვლაზე ეკონომიკური დიპლომატიის მიმართულებით. ვისაუბრეთ ახალგაზრდობის იმ ინიციატივებზე, რაც საქართველოში ხორციელდება და პოტენციურად მათ ჩართულობაზე, ასევე, ევროპელ და ქართველ სტუდენტებს შორის ურთიერთობების კიდევ უფრო გაღრმავების შესაძლებლობებზე“, – განაცხადა მარიამ ლაშხმა.
შეხვედრის მონაწილეების მიერ დასმული კითხვები ძირითადად, საქართველოს ევროპულ პერსპექტივებს, მიმდინარე წლის დეკემბერში საქართველოსთვის კანდიდატის სტატუსის მინიჭებასთან დაკავშირებულ საკითხებს შეეხებოდა.