თელ-ავივში ათასობით ადამიანმა პრემიერ-მინისტრის, ბენიამინ ნეთანიაჰუს მთავრობის გადადგომის მიზნით გამართულ საპროტესტო აქციაში მიიღო მონაწილეობა. ამის შესახებ Reuters-ი წერს.
გამოცემის ინფორმაციით, შეკრებილები ახალი არჩევნების ჩატარებას ითხოვდნენ, რადგან მიაჩნიათ, რომ ნეთანიაჰუმ ეროვნული უსაფრთხოების სფეროში შეცდომები დაუშვა.
„მთავრობამ მიგვატოვა 7 ოქტომბერს და ყოველდღე მას შემდეგ. მიატოვა ევაკუირებულები, მსხვერპლთა ოჯახები, რეზერვისტები, მძევლები“, – განაცხადა აქციის ერთ-ერთმა მონაწილემ.
Reuters-ი აღნიშნავს, რომ უკმაყოფილების მიუხედავად, ამ ეტაპზე არ არის იმის ნიშნები, რომ ნეთანიაჰუს მთავრობა საფრთხის წინაშეა.
კომენტარები