“ჩვენ ღირსებით მოვიპოვეთ კანდიდატის სტატუსი და ვცდილობთ, მაქსიმალურად ჩართულები ვიყოთ ევროპოლიტიკაში, მათ შორის, ურბანული მიმართულებით”, – ამის შესახებ მმართველი გუნდის წევრმა, ირაკლი ზარქუამ განაცხადა.
მისივე თქმით, სტატუსი ევროკავშირის წევრ და კანდიდატ ქვეყნებთან ერთად სხვადასხვა თემაზე საუბრის საშუალებას იძლევა.
“ბრიუსელში დღეს იმართება კონფერენცია, რომელშიც მონაწილეობენ, მათ შორის, კანდიდატი ქვეყნები და სადაც ურბანული პოლიტიკის შესახებ არის დისკუსია.
ჩვენ ღირსებით მოვიპოვეთ კანდიდატის სტატუსი და ვცდილობთ, მაქსიმალურად ჩართულები ვიყოთ ევროპოლიტიკაში, მათ შორის, ურბანული მიმართულებით. დღეს კიდევ ერთხელ გავაჟღერებთ ჩვენს მოსაზრებებს, რომ სჭირდება კიდევ უფრო მეტი დახმარება და დაცვა ისტორიულ მემკვიდრეობას. მნიშვნელოვანია აღინიშნოს, რომ სწორედ ასეთი შეხვედრების, კონფერენციების საშუალებას გვაძლევს კანდიდატის სტატუსი და ამიტომაც იყო, რომ ჩვენ ყველაფერი გავაკეთეთ, რომ ღირსებით, სამართლიანად და დამსახურებულად მიგვეღო ეს სტატუსი და ამის გვირგვინია, რომ დღეს გვაქვს შესაძლებლობა, ევროკავშირის წევრ და კანდიდატ ქვეყნებთან ერთად ვისაუბროთ ამ თემებზე“, – აღნიშნა ირაკლი ზარქუამ.