საფრანგეთში ფერმერების საპროტესტო აქციის მონაწილეს მანქანა დაეჯახა. დაიღუპა ერთი ადამიანი. „როიტერის“ ცნობით, ინციდენტი ავტომაგისტრალზე მოხდა, რომელსაც მომიტინგეები თივის ზვინებით და ტრაქტორებით ბლოკავდნენ. როგორც აქციის მონაწილეები აცხადებენ, ავტომობილი რამდენიმე ადამიანს შეეჯახა. შედეგად აქციის ერთ მონაწილე დაიღუპა და ორი დაშავდა.
პოლიციის ცნობით, მძღოლი, რომელიც მომიტინგეებს მანქანით დაეჯახა დაკავებულია. რაც შეეხება დაღუპულს, ის აქტივისტი ქალი აღმოჩნდა. დაშავდა მისი მეუღლე და შვილი.
საფრანგეთში 22 იანვრიდან გრძელდება ფერმერების საპროტესტო აქციები. სოფლის მეურნეობის სფეროში დასაქმებულები ითხოვენ, რომ მთავრობამ გარემოს დაცვის მიზნით შემუშავებული მოთხოვნების შეარბილოს და გადასახადების შემცირებას ითხოვენ.
მანამდე, ფერმერების აქციები გაიმართა გერმანიაშიც.