აშშ-ის თავდაცვის მდივანმა, ლოიდ ოსტინმა მოკავშირეებს მოუწოდა, უარი არ თქვან უკრაინისთვის სამხედრო დახმარების გაწევაზე. ინფორმაციას ამის შესახებ უკრაინული მედია ავრცელებს.
“უკრაინა მარტო არ არის. მთელ მსოფლიოში, უკრაინის მეგობრებმა გააძლიერეს დახმარება უკრაინის მამაცი ჯარებისთვის, რათა წინააღმდეგობა გაუწიონ პუტინის აგრესიას”, – აღნიშნა ლოიდ ოსტინმა უკრაინის თავდაცვის საკონტაქტო ჯგუფის შეხვედრაზე სიტყვით გამოსვლისას.
ლოიდ ოსტინმა ხაზგასმით აღნიშნა, რომ აშშ მხარს უჭერს უკრაინას და მის ბრძოლას თავისუფლებისთვის.
“უკრაინის ბრძოლა ყველა ჩვენი ქვეყნისთვის მნიშვნელოვანია”, – დასძინა მან.
კომენტარები