აშშ-ის სამხედროები აცხადებენ, რომ აშშ-მა „ჰუსიტების“ ხომალდსაწინააღმდეგო რაკეტებზე დარტყმები განახორციელა, ინფორმაციას „სიენენი“ ავრცელებს.
აშშ-ის ცენტრალური სარდლობის ცნობით, აშშ-ს სამხედროებმა იემენში დარტყმები განახორციელეს „ჰუსიტების“ ორ ხომალდსაწინააღმდეგო რაკეტაზე, რომლებიც მიზნად ისახავდა სამხრეთ წითელ ზღვაში არსებულ გემებზე დარტყმას.
მათივე თქმით, „ჰუსიტების“ რაკეტები წარმოადგენდა „გარდაუვალ საფრთხეს რეგიონში სავაჭრო გემებისა და აშშ-ის საზღვაო ძალების გემებისთვის.“
ირანის მიერ მხარდაჭერილმა „ჰუსიტებმა“ განაცხადეს, რომ ისინი არ შეწყვეტენ შეტევებს წითელ ზღვაში კომერციულ გემებზე, ვიდრე არ დასრულდება ომი ისრაელსა და „ჰამასს“ შორის.
კომენტარები