დაფინანსების შეწყვეტის გამო უკრაინას ვერც ახალ შეიარაღებას ვუგზავნით და ვერც ძველის გარემონტებას ვახერხებთ, – ამის შესახებ პენტაგონის პრესსპიკერმა, გენერალმა პატრიკ რაიდერმა განაცხადა.
„დაფინანსების შეწყვეტის შემდეგ იძულებულები გავხდით, შევაჩეროთ ჩვენი მარაგებიდან შეიარაღების მიწოდება. შესაბამისად, უკრაინას ვერც ახალ შეიარაღებას ვუგზავნით და ვერც ძველის გარემონტებას ვახერხებთ. ამიტომ გავაგრძელებთ კონგრესთან მჭიდრო მუშაობას, რათა უზრუნველვყოთ დაფინანსების გამოყოფა რაც შეიძლება სწრაფად“, – აღნიშნა პატრიკ რაიდერმა.
კითხვაზე, დამარცხდება თუ არა უკრაინა იმ შემთხვევაში, თუ მეტ შეიარაღებას მიიღებს, რაიდერმა აღნიშნა, რომ როდესაც საუბარია ბრძოლის ველზე, პირველ რიგში, ყველაფერი უკრაინაზეა დამოკიდებული, მაგრამ მარცხის საფრთხე სავსებით რეალურია.
კომენტარები