მმართველი გუნდის წევრი მიხეილ სარჯველაძე “ხალხის ძალის” განცხადებას გამოეხმაურა.
“პირადად ჩემთვის, ყველაფერი დღესავით ნათელია და, ამ თვალსაზრისით, რაღაც მეტი გამოძიების საჭიროება, ვფიქრობ, არ უნდა არსებობდეს. თუმცა, ამ შემთხვევაში, როგორც ჩანს, საუბარია პოლიტიკურ გასამართლებაზე და პოლიტიკური გასამართლება კი არაერთხელ შედგა ამ ქვეყანაში “ნაციონალური მოძრაობის” მიმართ, არაერთხელ გამოუტანა პოლიტიკური განაჩენი ქართულმა საზოგადოებამ “ნაციონალურ მოძრაობას”, მიუხედავად იმისა, თუ რომელ ნიღაბს იქნება ამოფარებული.
ვფიქრობ, გაცილებით მნიშვნელოვანია პოლიტიკური განაჩენი და, ამ თვალსაზრისით, უკვე გასამართლებულია. რეალურად, დარწმუნებული გახლავართ, რომ ასეთივე იქნება რეზულტატი და ეს განაჩენი უცვლელად დარჩება 2024 წლის შემოდგომის არჩევნებზეც,”- განაცხადა მიხეილ სარჯველაძემ.
ცნობისთვის, “ხალხის ძალამ” დღეს მორიგი განცხადება გაავრცელა, სადაც ნათქვამია: “უნდა მოეწყოს ქართული „ნიურნბერგის პროცესი“, რათა კოლექტიურმა “ნაცმოძრაობამ” პასუხი აგოს 2012 წლამდე ჩადენილი უმძიმესი დანაშაულებისთვის”.