აშშ-ს ამოეწურა ფული უკრაინის დასახმარებლად და ვაშინგტონი ვერ მიაწოდებს კიევს რაკეტებსა და საბრძოლო მასალებს იმავე დონეზე, როგორც ერთი წლის წინ, – ამის შესახებ პენტაგონის ხელმძღვანელმა, ლოიდ ოსტინმა განაცხადა.
„აშშ-ს ამოეწურა ფული უკრაინის დასახმარებლად და ჩვენ ვერ ვაძლევთ კიევს რაკეტებსა და საბრძოლო მასალას იმავე დონეზე, როგორც ერთი წლის წინ იყო. მოვუწოდებ ამ ჯგუფს, უკრაინას მიაწოდოს უფრო სასიცოცხლო მნიშვნელობის სახმელეთო საჰაერო თავდაცვის სისტემები და გამანადგურებლები“, – აღნიშნა აშშ-ის თავდაცვის მდივანმა.
ამასთან, საერთაშორისო საკითხებში ლოიდ ოსტინის თანაშემწემ, სელესტ ვალანდერმა განაცხადა, რომ უკრაინის თავდაცვის სამინისტრო ყოველდღიურად იღებს ანგარიშებს ქვედანაყოფებს შორის იარაღისა და საბრძოლო მასალის ნაკლებობის შესახებ.
კომენტარები