ალაბამაში ისტორიაში პირველად სიკვდილმისჯილი პატიმარი აზოტის ჰიპოქსიით მოკლეს. ამის შესახებ BBC იტყობინება.
58 წლის კენეთ იუჯინ სმითი, რომელმაც უზენაეს სასამართლოში ორი საბოლოო აპელაცია, ფედერალურ სააპელაციო სასამართლოში კი ერთი აპელაცია წააგო, აცხადებდა, რომ დასჯის ეს მეთოდი სასტიკი იყო, თუმცა სასამართლოებმა აზოტის ჰიპოქსიის გამოყენება დასაშვებ მეთოდად მიიჩნიეს.
სმითი 1989 წელს სასულიერო პირის მეუღლის, ელიზაბეტ სენეტის მკვლელობისთვის დააკავეს.
ალაბამასა და აშშ-ის კიდევ ორ შტატში სასიკვდილო განაჩენის აღსრულების ალტერნატიულ მეთოდად მას შემდეგ დაამტკიცეს, რაც ლეტალური ინექციისთვის საჭირო მედიკამენტების მოპოვება გართულდა.
კომენტარები