ფაქტია, რომ როდესაც ვსაუბრობთ ტაივანის გავლენების აგენტებზე საქართველოში, აქ ყველაფერი ცხადია – უბრალოდ სირცხვილია, რომ საქართველოს მოქალაქე, რომ აღარ ვისაუბროთ იმაზე, რომ თავდაცვის ყოფილ მინისტრზეა საუბარი, პოლიტიკური აქტივობებისთვის ფულს იღებს სეპარატისტული რეჟიმისგან, – ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებთან განაცხადა. კითხვა თინა ხიდაშელს ეხებოდა.
„სირცხვილია, რომ ამაზე საუბარი და კომენტარის გაკეთება გვიწევს. ნურავინ შეცდება [იმის თქმას], რომ ქალბატონი თინა „ენჯეოს“ წარმომადგენელია – ის ჩვეულებრივი პოლიტიკოსია. ქართველი პოლიტიკოსი ფინანსდება სეპარატისტული რეჟიმისგან, მაშინ, როდესაც ჩვენს ქვეყანას აქვს თავად გამოწვევა ოკუპირებული რეგიონების სახით, ეს რა თქმა უნდა, სირცხვილია“, – აღნიშნა პაპუაშვილმა.