მე ძალიან ღია ვარ და მომხრე, რომ საქართველოსთან რაც შეიძლება მალე გაიხსნას მოლაპარაკებები, რადგან მე ვიცი ძალიან კარგად, ისტორიულად რას ნიშნავს, იყო ევროკავშირის გარეთ, – ასე უპასუხა ლატვიის პრემიერ-მინისტრმა, ევიკა სილინამ „ქრონიკის“ კითხვას იმასთან დაკავშირებით, რომ საქართველო ელოდება შემდეგ ეტაპზე, მოლაპარაკებების გახსნაზე გადასვლას და როგორი იქნება მისი გზავნილი.
„მე ვფიქრობ, საქართველომ გააკეთა ბევრი რამ და ევროკომისიას შეუძლია შეაფასოს სათანადოდ, რაც თქვენ გააკეთეთ, და უნდა იყოს არამარტო პოლიტიკური გადაწყვეტილებები, არამედ ის უნდა დაეფუძნოს კომისიის შეფასებასა და ანგარიშს.
ჩემი გული ეკუთვნის ყველა იმ ქვეყანას, რომელსაც აზარალებს რუსეთის ზეწოლა. ისინი უნდა იყვნენ ევროპასთან ახლოს და ჩართულები ევროპაში მიმდინარე პოლიტიკურ დისკუსიებში. მე ძალიან ღია ვარ და მომხრე, რომ საქართველოსთან რაც შეიძლება მალე გაიხსნას მოლაპარაკებები, რადგან მე ვიცი ძალიან კარგად, ისტორიულად რას ნიშნავს, იყო ევროკავშირის გარეთ. ძალიან ძნელია ხალხისთვის და პოლიტიკოსებისთვის სტაბილურობა შეინარჩუნონ, რადგან რუსეთი იყენებს ასეთ ქვეყნებს და გეოპოლიტიკურ მოვლენებს საკუთარი ინტერესებისთვის. მე ვფიქრობ, საქართველო უნდა იყოს მოთმინებით, ბევრი იმუშაოს და თქვენ მიაღწევთ მიზანს“, – აღნიშნა ევიკა სილინამ.