“ეს არის დრამატიზება და ვითარების არასწორად წარმოჩენა”

საპარლამენტო უმრავლესობის წევრს, ეკა ბესელიას მიაჩნია, რომ უზენაესი სასამართლო „რუსთავი 2“-ის საქმესთან დაკავშირებით ობიექტურ გადაწყვეტილებას გამოიტანს. მისი განცხადებით, რომ ტელეკომპანიის საქმის ირგვლივ ატეხილი აჟიოტაჟი ყოფილი ხელისუფლების წარმომადგენლების მიერ საკითხის ზედმეტი დრამატიზება და ვითარების არასწორად წარმოჩენაა.
„ასეთი ლოზუნგი, რომ ეს არის ბრძოლა თავისუფალი სიტყვის დასაცავად, მე ვფიქრობ, რომ არის დრამატიზება და ვითარების არასწორად წარმოჩენა. თუ დღეს, ყოფილი ხელისუფლების წარმომადგენლები პოლიტიკურ დევნას აღიარებენ, სწორედ იმ დევნის შედეგი იყო, მათ შორის ტელევიზიასთან დაკავშირებული ძალადობრივი ფაქტები, რასაც ადგილი ჰქონდა და ამაზე 2007 წლიდან კეთდებოდა განცხადებები. სხვა საკითხია, სამართლებრივ ჭრილში რა მტკიცებულებებია და სასამართლო ამ ყველაფრს როგორ შეაფასებს“, – აცხადებს ეკა ბესელია.
შეგახსენებთ, რომ დღეს უზენაესი სასამართლოს დიდი პალატა „რუსთავი 2“-ის საქმესთან დაკავშირებით გადაწყვეტილებას გამოიტანს. უზენაესი სასამართლოს შენობასთან ტელეკომპანიის მხარდამჭერები არიან შეკრებილნი და იქ აქცია მიმდინარეობს.