“ავსტრიის საგარეო საქმეთა მინისტრის განცხადება ჩვენთვის მოულოდნელი იყო”

ავსტრიის საგარეო საქმეთა მინისტრის განცხადება ჩვენთვის მოულოდნელი იყო, – ამის შესახებ უმრავლესობის წევრმა, გიორგი კახიანმა  განაცხადა.
”ავსტრიის საგარეო საქმეთა მინისტრის განცხადება ჩვენთვის მოულოდნელი იყო. ამ საკითხზე მსჯელობა არ ყოფილა და ეს ჩვენ დღის წესრიგში არ დგას. ავსტრიის საგარეო საქმეთა მინისტრი სებასტიან კურცი ალბათ თავად განმარტავს საკითხს”, – განაცხადა გიორგი კახიანმა.
ავსტრიის საგარეო საქმეთა მინისტრის, სებასტიან კურცის მოსაზრებით, ევროკავშირის ლტოლვილთა მიღების ცენტრები ევროკავშირის ფარგლებს მიღმა უნდა გაიხსნას. ავსტრიის საგარეო საქმეთა მინისტრი ფიქრობს, რომ ეს ქვეყნები შეიძლება იყოს საქართველო, ეგვიპტე და დასავლეთ ბალკანეთის ქვეყნები. მისივე განმარტებით, ის პირები, რომლებიც ევროკავშირის საზღვარს არალეგალურად გადაკვეთენ, ამ ცენტრებში იქნებიან მოთავსებული.