ბაია კვიციანი სოციალურ ქსელში პოსტს აქვეყნებს.
”მთელი დღეა ილია ჭავჭავაძეს ასწავლიან რა თქვა…🤦♀️ ჯერ კი თქვა “მამული, ენა, სარწმუნოებაო “, მაგრამ მერე მუსულმანებს როცა მიმართავდა, მაშინ შეცვალა და თქვა☝️“მამული, ენა, ისტორიაო”…
კი, სწორია, მთელ ქვეყანას როცა მიმართავდა, ეგრე მოიქცა და სწორიც იყო. კარგი იქნება, მაშინდელ ისტორიულ კონტექსტსაც თუ გადახედავთ. 🤌
ხოლო, ქართველ მართლმადიდებლებს როცა მოგვმართა, გვითხრა, რომ “თუ ამათ არ ვუპატრონეთ, რა კაცები ვიქნებით, რა პასუხს გავსცემთ შთამომავლობასო?” – სხვას მოვახვევთ თავზე, შევზღუდავთ ვინმეს ჩვენი რწმენით, სხვისას პატივს არ ვცემთ ან ტოლერანტულები არ ვიქნებითო, კი არ უთქვამს; ისევ ჩვენთვის თუ არ ვუპატრონებთ და მოვუფრთხილდებით, რას ვეტყვით მერე შვილებსო!?
ერთხელ სადღაც ამოვიკითხე, ილია ქართული სახელმწიფოს არქიტექტორია, “მამული, ენა, სარწმუნოება” ქვეყნის კონსტრუქცია, ფორმააო – აღნიშნული კარგად დამამახსოვრდა, რადგან სრულად ვეთანხმები. ამ ფორმით და კონსტრუქციით უნდა ვაშენოთ ჩვენი ქვეყნის იდენტობა, ისტორია, კულტურა. ჩვენ კი დღეს მომსწრენი ვართ ორგანიზებული და ორკესტრირებული კამპანიის, რომ ეს ფუნდამენტიც რამენაირად მოარყიონ! 🤦♀️
ეს მხოლოდ ილიას არ უთქვამს, ვაჟამაც მიგვანიშნა როცა გაძევებული ალუდა ქეთელაური, რომელიც მიუხედავად ყველაფრისა, მაინც თემზე დარდობდა, წასვლისას შინაურებს სთხოვა:
“ჯვარს არ აწყინოთ, თემს ნუ სწყევთ.”
პ.ს. საინტერესოა, ვაჟა რას გულისხმობდა ჯვარში, ველოდები ვერსიებს. 😥
რწმენას, რომ თავი დავანებოთ, მოწინავე ქვეყნების მაგალითს მაინც გადახედეთ; თუნდაც ინგლისის “Church of England”-ის სახელმწიფოებრივ მნიშვნელობას, დააკვირდით ამ სახელმწიფოებისთვის როგორი ფუნდამენტური ფუნქციის და მნიშვნელობის მატარებელია ეკლესია.
#გაუგონარმავნებლობაშივცხოვრობთ”