ალექსანდრე ჯეჯელავას აზრით, “რუსთავი 2” ხელისუფლებისგან აბსოლუტურად თავისუფალია და საქმეში ჩახედულმა ადამიანებმა ეს, კარგად იციან.
ჯეჯელავამ აღნიშნა, რომ “რუსთავი 2” რეალურ საქმეს სულ სხვა რაკურსით წარმოაჩენს.
“მთელმა საქართველომ იცის, რა ხდებოდა “რუსთავი 2”-თან დაკავშირებით, ყოველ შემთხვევაში, ადგილზე მყოფმა ადამიანებმა ყველაფერი იციან. ვინც არის ჩართული, რა ხდებოდა მანამდე და დღეს რა ხდება “რუსთავი 2”-ის დამოუკიდებლობის თვალსაზრისით, ნეგატიური აზრი არ ექნება. ის საჩივაირი, რომელიც სტარასბურგის სასამართლოში შევიდა, კერძოდ, თუ “რუსთავი 2″ აღარ იქნება საქართველო დაიქცეა ეს სიცრუეა. საქართველოში მედია არის თავისუფალი, ვისაც ამის არ სწამს თავისუფლად შეუძლია საკუთარი აზრის დაფიქსირება”, – განაცხადა ჯეჯელავამ.
სტრასბურგის ადამიანი უფლებათა სასამართლომ “რუსთავი 2”-თან დაკავშირებით, საქართველოს უზენაესი სასამართლოს გადაწყვეტილების აღსრულება 8 მარტამდე შეაჩერა, ვიდრე სამაუწყებლო კომპანიის სარჩელი არსებითად არ განიხილება.
საქართველოს უზენასმა სასამართლომ “რუსთავი 2”-ის საქმეზე გადაწყვეტილება 2 მარტს მიიღო. უზენაესი სასამართლოს გადაწყვეტილებაში წერია, რომ ლევან ყარამანაშვილის, გიორგი ყარამანაშვილის, შპს ტელეკომპანია საქართველოს, ნინო ნიჟარაძის, შპს “ჰაიდელბერგცემენტ ჯორჯიას” საკასაციო საჩივრები დაკმაყოფილდეს ნაწილობრივ.
შპს სამაუწყებლო კომპანია “რუსთავი 2”-ის 60% წილის მესაკუთრედ ცნობილი იქნებ ქიბარ ხალვაში და 40%-ის წილის მესაკუთრედ ცნობილი იქნეს შპს “პანორამა”. საქართველოს უზენაესი სასამართლოს დიდი პალატის გადაწყვეტილება საბოლოოა და არ საჩივრდება.