როგორი ურთიერთობა ჰქონდათ მიხეილ სააკაშვილისა და „ნაციონალური მოძრაობის“ რუსეთთან ხელისუფლებაში ყოფნის დროს

„იმედის კვირამ“ მიხეილ სააკაშვილის და „ნაცმოძრაობის“ რუსეთთან ურთიერთობისა და კავშირების ქრონოლოგია გაიხსენა.

აგვისტოს ომიდან ზუსტად ორ თვეში სააკაშვილის ხელისუფლების სახეებმა და დღევანდელი ოპოზიციის ლიდერებმა ევროსაბჭოს საპარლამენტო ასამბლეაზე ხელი მოაწერეს რეზოლუციას, რომელშიც ეწერა, რომ 2008 წლის 7 აგვისტოს საქართველოს სამხედრო ძალების მიერ ცხინვალის დაბომბვის გაუფრთხილებლად დაწყებით ესკალაცია ღია და სრულმასშტაბიან საომარ მოქმედებებზე გადავიდა.

შემდეგ კი „ნაციონალურმა მოძრაობამ“ ქვეყნის მტერთან ურთიერთობა კიდევ უფრო მაღალ სტანდარტში აიყვანა – თითქმის ყველა სტრატეგიული ობიექტი გადასცა. ქვეყანაში შემოუშვეს ისეთი მსხვილი რუსული მოთამაშეები, როგორიცაა ენერგეტიკული გიგანტი „რაო“, „ენერჯი ინვესტი“, „ენერგო პრო“, „გაზპრომი“, ასე გადავიდა ხელიდან ხელში „ენგუჰესი“, „ჟინვალ ჰესი“, „რიონ ჰესი“, და კიდევ ათობით ჰიდროელექტროსადგური. ბუნებრივი აირით მომარაგება ჩააბარეს „გაზპრომის“ შვილობილ კომპანიას, საბანკო სექტორში რუსულმა „ვითიბიმ“ დაიდო ბინა.