ეს საპროტესტო მოძრაობა აცდენილია ძირითად „მაიდნურ“ სცენარს, იმიტომ რომ არ აქვს ძირითადი ლოზუნგი არჩევნების არალეგიტიმურობასთან დაკავშირებით, იმიტომ რომ არჩევნების დრო არაა. აქედან გამომდინარე, მას არ აქვს ჩამოყალიბებული ძირითადი ღერძი, რის გარშემო უნდა იტრიალოს. – ამის შესახებ „დღის ქრონიკაში“ დამოუკიდებელმა ექსპერტმა, მაია ნიკოლეიშვილმა განაცხადა.
„ეს გასცდა „არა რუსულ კანონს“-აც და გუშინ უკვე თქვეს, ძალაუფლების გადაბარებაზე იზრუნოს ხელისუფლებამო. ზოგადად, ეს არის არა „მაიდნური“ სახელმწიფო გადატრიალების მცდელობა. ისინი არ არიან გამაგრებულები ერთ კონკრეტულ ლოკაციაზე, დადიან სხვადასხვა ადგილას. ვინაიდან მათ არ აქვთ ძირითადი ხაზი და ლოზუნგი, ეს მოდის სპონტანურად – უნდა იყოს რაღაც აქტივობა, რომელიც შემდეგ გამოიწვევს დანარჩენი ემოციების აგორებას, თუმცა ვხედავთ, რომ საპირისპირო შედეგს იღებენ ისინი.
გუშინწინ ამ აქციის მონაწილეების გარკვეული ნაწილის „გასაზიზღრება“ მოხდა. იქ ვნახეთ არანორმატიული ლექსიკა, გოგონების მხრიდან განსაკუთრებით, ამაზრზენი – ძალიან ბევრ ადამიანში, რომელიც თანაუგრძნობდა ახალგაზრდულ მუხტს, ძალიან დიდი გაკვირვება და დიდი გამოიწვია. ისინი უკვე კარგავენ ამ თანაგრძნობას და ამის გადმოტანა ოქტომბრიდან აპრილში – შედეგი სწორედ ეს არის“, – აღნიშნა ექსპერტმა.