საქართველოს პრეზიდენტმა, სალომე ზურაბიშვილმა „საგადასახადო კოდექსში“ ცვლილებებს ვეტო დაადო. ამის შესახებ ინფორმაციას პრეზიდენტის ადმინისტრაცია ავრცელებს.
„საქართველოს პრეზიდენტმა ე.წ. ოფშორების კანონს ვეტო დაადო და მოტივირებული შენიშვნებით პარლამენტს დაუბრუნა „საგადასახადო კოდექსში“ ცვლილებები, – აღნიშნულია ადმინისტრაციის მიერ გავრცელებულ ინფორმაციაში.
პარლამენტმა „საქართველოს საგადასახადო კოდექსში“ ცვლილებები მესამე მოსმენით 19 აპრილს დაამტკიცა.
ინიციატივა ოფშორში რეგისტრირებული საწარმოების საქართველოში გადმოტანის შემთხვევაში დაბეგვრისგან გათავისუფლებას ითვალისწინებს.
საფინანსო-საბიუჯეტო კომიტეტის თავმჯდომარის განმარტებით, როდესაც კომპანია დაფუძნებული არის ოფშორში და ის მოინდომებს საქართველოში გადმოვიდეს, ერთჯერადად, არ გადაიხდის გადასახადს
კომენტარები