”როგორც ვიცი, თვის ბოლომდეა ის ვადა, როდესაც გასაჩივრების საკითხი უნდა გადაწყვიტოს სასამართლომ და შემდეგ განიხილოს, არსებითად დაშვებული იქნება თუ არა საჩივარი” – აცხადებს ფრაქცია ,,ქართული ოცნების“ თავმჯდომარე მამუკა მდინარაძე ჟურნალისტებთან საუბრისას:
,,რუსთავი 2“-თან დაკავშირებით საქმის ზედმეტად პოლიტიზირება მოხდა. ობიექტურობა მოითხოვს აღინიშნოს, საქმე, რომელიც სტრასბურგის სასამართლომ დაუშვა მართლაც უპრეცედენტოა. საქმეს ჰქვია – ”რუსთავი 2“ საქართველოს წინააღმდეგ, რადგან კანონის მიხედვით მეორე მხარედ სახელმწიფო ერთვება. ჩვენ ვნახავთ გაგრძელებას. როგორც ვიცი, თვის ბოლომდეა ის ვადა, როდესაც გასაჩივრების საკითხი უნდა გადაწყვიტოს სასამართლომ და შემდეგ განიხილოს, არსებითად დაშვებული იქნება თუ არა საჩივარი. საქმის ზედმეტად პოლიტიზირება მოხდა და შესაბამისად, ეს იყო ,,ნაციონალური მოძრაობის“ დღის წესრიგი. ეს საქმე უპრეცენდენტოა იმ მიმართებით, რომ სტრასბურგის სასამართლომ მიიღო გადაწყვეტილება, ხოლო ჩვეულებრივია იმიტომ, რომ ეს იყო დავა ორ სუბიექტს შორის და დღეს გახდა დავა ,,რუსთავი 2“-სა და საქართველოს შორის“, – განაცხადა მამუკა მდინარაძემ