საქართველოს პრემიერ-მინისტრი ირაკლი კობახიძე ბიზნესსექტორის წარმომადგენლებს შეხვდა. ბიზნესმენების უმრავლესობა მიესალმება ქვეყანაში მეტ გამჭვირვალობას და აღნიშნავენ, რომ ეს არის მნიშვნელოვანი კომპონენტი ბიზნესსექტორის განვითარების კუთხითაც.
„კოკა-კოლას ბოთლერს ჯორჯიას“ დამფუძნებლის, თემურ ჭყონიას თქმით, ის არ იცნობს გამჭვირვალობის შესახებ კანონპროექტის შინაარსს და მას მხოლოდ კანონპროექტის სახელწოდება არ მოსწონს.
„ეს კანონი არ წამიკითხავს. მე დავაფიქსირე რომ პრობლემა შინაარსში არ არის, რამდენადაც პრობლემა არის სახელში“, – აღნიშნავს თემურ ჭყონია.
„ის რაც დღეს ხდება, არ არის ნორმალური, თუმცაღა ყველაფერი დალაგდება და ყველაფერი მშვიდად იქნება“, – აღნიშნა „ლილო მოლის“ დამფუძნებელმა გიორგი კვარაცხელიამ.
„მე ვერ ვხედავ პრობლემას ვერც გამჭვირვალეობაში და ვერც ღიაობაში. ბიზნესიც ღია და გამჭვირვალეა. ჩვენც ყოველწლიურად ვაბარებთ დეკლარაციას, ნებისმიერი ჩვენი ოპერაცია ღიაა“, – აღნიშნა „ორბი ჯგუფის“ გენერალურმა დირექტორმა ირაკლი კვერღელიძემ.