კოლეგას როცა ემუქრება მიშა მშვილდაძე, ძალიან სირცხვილია და ეს გამოიწვიე შენ, – ასე მიმართა „აჭარის ტელევიზიის“ წარმომადგენელმა ვახო ხუზმიაშვილმა „ფორმულას“ ჟურნალისტს, ნინო ჟიჟილაშვილს პრემიერთან თოქ-შოუების წამყვანების შეხვედრაზე.
„ნინო, შენი კოლეგა მიშა მშვილდაძე რასაც ახლა კადრულობს, ძალიან უხერხულია. კოლეგას როცა ემუქრება, ძალიან სირცხვილია და ეს გამოიწვიე შენ! მიშა მშვილდაძემ უნდა ილაპარაკოს მერე მშვიდობაზე?!“, – განაცხადა ხუზმიაშვილმა და შეხვედრის მონაწილეებს საკუთარ ტელეფონში მიშა მშვილდაძის შეტყობინება აჩვენა.
მანამდე პრემიერ-მინისტრთან შეხვედრაზე ნინო ჟიჟილაშვილმა კოლეგებს შეურაცხყოფა მიაყენა და დაემუქრა. „ეს მედიები, ვინც აქ სხედხართ და მხარს უჭერთ რუსულ კანონს, თქვენ ხართ პრობლემა, „იმედია“ პრობლემა, „საზმაუა“ პრობლემა, „რუსთავი ორიც“ არის პრობლემა, იმიტომ, რომ თქვენ ხართ ამათი გამპრავებლები, დასაყრდენები, იდეოლოგები, პროპაგანდისტები და რუსები. აუცილებლად ყველას დაგერქმევათ თქვენი სახელი“, – მიმართა მან კოლეგებს და დასძინა, რომ ამ მედიების წარმომადგენლები ყველაფერს უნდა ელოდონ.