ევროპის მოედანზე „უცხოური გავლენის გამჭვირვალობის შესახებ“ კანონპროექტის საწინააღმდეგო აქცია დასრულდა. მონაწილეები ტერიტორიას ტოვებენ.
მანამდე ევროპის მოედანზე სიტყვით გამოსვლები და კონცერტი გაიმართა. გაჟღერდა საქართველოს ჰიმნი. შეკრებილებს ეკავათ საქართველოსა და ევროკავშირის დროშები და ბანერები, წარწერებით: „ძალა ერთობაშია, ძალა ევროპაშია“; კი ევროპას, არა რუსულ კანონს“, „ბრძოლის ყიჟინა მოგვესმა“.
ორგანიზატორებმა შეკრებილებს მოუწოდეს, რომ ხვალ 22:00 საათზე პარლამენტთან მივიდნენ და ღამისთევით დარჩნენ, რომ ორშაბათს საპარლამენტო კომიტეტში კანონპროექტის მესამე მოსმენით განხილვა გააპროტესტონ.
კომენტარები