ეროვნული უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა განაცხადა, რომ ̀ისრაელს შეუძლია და უნდა გააკეთოს მეტი უდანაშაულო მშვიდობიანი მოსახლეობის დაცვისა და კეთილდღეობის უზრუნველსაყოფად. ინფორმაციას ამის შესახებ ტელეკომპანია CNN-ი ავრცელებს.
„ჩვენ მივიჩნევთ, რომ ისრაელს შეუძლია და უნდა გააკეთოს მეტი უდანაშაულო მშვიდობიანი მოსახლეობის დაცვისა და კეთილდღეობის უზრუნველსაყოფად. ჩვენ არ მივიჩნევთ, რომ ის, რაც ღაზაში ხდება, არის გენოციდი“, – აღნიშნა ეროვნული უსაფრთხოების საკითხებში აშშ-ის პრეზიდენტის მრჩეველმა.
„ჩვენ კვლავ მივიჩნევთ, რომ შეცდომა იქნება რაფაჰში მასშტაბური სამხედრო ოპერაციის დაწყება, რომელიც საფრთხეს შეუქმნის მშვიდობიანი მოსახლეობის დიდ ნაწილს აშკარა სტრატეგიული სარგებლის გარეშე“, – დასძინა ჯეიკ სალივანმა.
კომენტარები