ოჯახის სიწმინდისა და მშობლების პატივისცემის დღესთან დაკავშირებით, თბილისში 12:00 საათზე ქაშვეთის ეკლესიიდან საზეიმო მსვლელობა-ლიტანიობა ყოვლადწმინდა სამების სახელობის საპატრიარქო ტაძრამდე გაიმართება, სადაც პარაკლისს მეუფე შიო აღავლენს.
მამა იოანე მჭედლიშვილი ამბობს, რომ ქართული ოჯახების ნაწილი დიდი გამოწვევების წინაშეა, რაც ბავშვებსა და მოზარდებზე გავლენას ახდენს, ამიტომ ეკლესია მათ გვერდითაა და ამ დღეს მათთან ერთად აღნიშნავს.
„სამწუხაროდ, დღეს უამრავი პრობლემა არის ოჯახებში. ძალიან დიდია პროცენტი დაშორებისა, რაც ძალიან ცუდად აისახება ხოლმე ბავშვებზე, რადგან მათ უჭირთ ასეთ დროს და ეკლესია ცდილობს, რომ მეტი ყურადღება მიაღწიოს ოჯახის სიწმინდეს და სიმტკიცეს, ლოცულობს მათთვის. ადამიანებიც ერთიანდებიან ამ იდეის ირგვლივ, რომ ოჯახები უფრო მეტად იყოს შენარჩუნებული“, – ამბობს მამა იოანე მჭედლიშვილი.