“ევროკავშირი არ არის მხოლოდ ევროპა და ევროპაში არის საზოგადოების უდიდესი ნაწილი, რომელმაც იცის, რა არის ევროპული ღირებულებები”, – ამის შესახებ “ხალხის ძალის” წევრმა გურამ მაჭარაშვილმა ისაუბრა.
“სწორედ ეს აჩვენა ამ ხალხმა არჩევნებზე. ამას ჩვენ შეგვიძლია, დავარქვათ “ხალხის ძალა ევროპაში”; რა ძალა აქვს ხალხს ევროპაში, აი, ახლა დაანახა ყველას, მათ შორის, საფრანგეთს მოუწია ვადამდელი არჩევნების ჩანიშვნა, ბელგიის პრემიერმინისტრი გადადგა, შოლცის პარტია მესამე ადგილზე გავიდა და ა.შ. ამიტომ, რა ძალა და ღირებულებები აქვს ევროპელ ხალხს, რომ მას შენარჩუნებული აქვს ეს ღირებულებები, ამ არჩევნებმა გამოაჩინა. არა მხოლოდ ევროპაში, აუცილებლად დამარცხდება ლიბერალური ფაშიზმი, რომელმაც, სამწუხაროდ, გარკვეულწილად საქართველოშიც შემოაღწია. თუმცა, კიდევ ერთხელ ვიმეორებ, ქართულმა საზოგადოებამ ეს პირველმა თქვა. ევროპის საზოგადოებამ დაინახა, რომ რასაც ჩვენ ვამბობდით, სიმართლეს ვეუბნებოდით ხალხს და აღმოჩნდა აბსოლუტურად რეალური, რომ უკრაინა, სამწუხაროდ, გაწირეს ამ უბედურებისთვის”, – აღნიშნა მაჭარაშვილმა.