ნიდერლანდების სასამართლომ ჟურნალისტ პიტერ დე ვრისის მკვლელობაში ბრალდებულ პირებს 10-დან 28 წლამდე პატიმრობა მიუსაჯა. ამის შესახებ ადგილობრივი მედია წერს.
უშუალო მკვლელებს 28 წლით თავისუფლების აღკვეთა, ორგანიზატორს კი 26 წლით თავისუფლების აღკვეთა მიუსაჯეს. კიდევ ერთ პირს, რომელმაც მკვლელებს იარაღი გადასცა, სასამართლომ 14 წლით თავისუფლების აღკვეთა მიუსაჯა.
სულ საქმეში 9 ფიგურანტი იყო, ორ მათგანს 10-10 წლით თავისუფლების აღკვეთა მიუსაჯეს, სამი კი გამართლდა.
პიტერ დე ვრისი, რომელიც კრიმინალურ ამბებს აშუქებდა, 2021 წელს ამსტერდამის ცენტრში დაესხნენ თავს. მას ახლო მანძილიდან რამდენჯერმე ესროლეს, ჟურნალისტი საავადმყოფოში 9 დღის შემდეგ გარდაიცვალა. გამოძიება ამტკიცებდა, რომ დე ვრისი შესაძლოა იმიტომ მოკლეს, რომ ის ნარკობარონ რიდუან ტაგის საქმეზე საკვანძო მოწმის მრჩეველი იყო.