ოპოზიციონერი დეპუტატების ნაწილი პოლიციელების გაყრის შესახებ გუბაზ სანიკიძის მიერ გაკეთებულ განცხადებას ემიჯნება.
„გირჩის“ წევრის ალექსანდრე რაქვიაშვილის თქმით, გუბაზ სანიკიძის განცხადება იმდენად არასერიოზულია, იმდენად დამაზიანებელია და ახსნადი არ არის, რომ თავადაც გაოგნებულია.
„ვინ ხარ, რომ ემუქრები? საიდან დაადგინე ბრალეულობა? ზოგადად, შენ თვითონ ამბობ, რომ სასამართლო რეფორმა გჭირდება და პოლიტიკოსები სასამართლო ფუნქციას თავის თავზე არ უნდა იღებდნენ და შენ უკვე გამოუტანე განაჩენი ათასობით ადამიანს? ტელევიზიით? ეს იმდენად არასერიოზულია, იმდენად დამაზიანებელია და ახსნადი არ არის, რომ მე თვითონ გაოგნებული ვარ ასეთი განცხადებით“, – აღნიშნა მან.
საკითხს ასევე გამოეხმაურა თეონა აქუბარდია.
„განურჩევლად, ამ შემთხვევაში, ასე კოლექტიური საუბარი მე მახსენებს იმ წარსულს, რომელიც ნამდვილად არ მინდა, რომ მომავალში იყოს. მხოლოდ და მხოლოდ ამ შემთხვევაში იმ ძალადობის ფაქტებზე იქნება რეაგირება, რასაც პოლიციელები გამოძიების დამტკიცების შემთხვევაში, კანონის წინაშე მიიღებენ ამ პასუხისმგებლობას“, – აღნიშნა თეონა აქუბარდიამ.