ნატომ თქვენ უკვე უნდა შემოგთავაზოთ წევრობის სამოქმედო გეგმა – მაპი, – ამის შესახებ უნგრეთის საგარეო საქმეთა მინისტრმა, პიტერ სიიარტომ განაცხადა.
როგორც სიიარტომ აღნიშნა, მან საკუთარი პოზიცია ქართველ კოლეგასთან შეხვედრისასაც დააფიქსირა.
როგორც უნგრეთის საგარეო საქმეთა მინისტრმა ერთობლივ პრესკონფერენციაზე განაცხადა, უნგრეთი აღიარებს იმ ძალისხმევას, რომელსაც საქართველო ნატოს საერთაშორისო მისიებში მონაწილეობით ახორციელებს.
„ჩვენ პატივს ვცემთ თქვენს მისიას ავღანეთში, თქვენ ძალიან დიდი წვლილი შეგაქვთ ნატოს ანტიტერორისტულ ოპერაციებში. ჩვენ ძალიან დიდ პატივს ვცემთ თქვენს მიერ გადადგმულ ნაბიჯებს აქ და გვინდა, რომ საქართველო უფრო მეტად დაუახლოვდეს ნატო-ს და ნატო უფრო მეტად დაუახლოვდეს საქართველოს ბევრად დაჩქარებულად, ვიდრე ახლა ეს ხდება”, – განაცხადა უნგრეთის საგარეო საქმეთა მინისტრმა.
პიტერ სიიარტო სამუშაო ვიზიტით საქართვლოში 2- დღიანი ვიზიტით იმყოფება.
როდის მისცემს ნატო საქართველოს მაპ-ს?
2017/03/17 11:57:29
კომენტარები
ნანახია: 1357 ჯერ