ე.წ. „აღშფოთებული მოქალაქე“, რომელიც ამჯერად მმართველი გუნდის ქალ დეპუტატებს დაუპირისპირდა, EED-ის მიერ დაფინანსებული „დროას“ პოლიტსაბჭოს წევრი ნათია ლეთოდიანი აღმოჩნდა.
ლეთოდიანი ევროპასთან ინტეგრაციის კომიტეტის თავმჯდომარეს, მაკა ბოჭორიშვილს და პარლამენტის ვიცე-სპიკერს, ნინო წილოსანს მიეჭრა და სიტყვიერი შეურაცხყოფა მიაყენა. მომხდარს მმართველ გუნდში მიზანმიმართულ პროვოკაციად აფასებენ.
„უკვე ძალიან მეცოდებიან ოპოზიციური ტელევიზიები, საკუთარი ნიუსების პოპულარიზაციისთვის ხმამაღალი ჰედლაინების კეთება რომ უწევთ – „ნინო წილოსანს მონა ეძახეს“ .
არ გაინტერესებთ ვინ იაქტიურა ამჯერად?! ნათია ლეთოდიანმა, რომელიც ვითომ შემთხვევით მოხვდა იმ ადგილას, სადაც მე ვიმყოფებოდი. ის გახლავთ “დროას” პოლიტსაბჭოს წევრი, ცნობილი აქტივისტი, აგრესორი და ზიზღის გამავრცელებელი. რა თქმა უნდა, იცოდა თავისი ბელადი ლაკასგან, რომ ამ შეხვედრაზე ვიქნებოდი და სწორედაც, რომ მიზანმიმართულად მომივარდა. სამაგიეროდ, მიიღო საკადრისი პასუხი და სამომავლოდაც, ყველა შემთხვევაში აუცილებლად მიიღებს საკადრის პასუხს. ისე, აჯობებს საკუთარ უფროსს მიუვარდეს, რუსული რუბლებით რომ იკვებება“, – დაწერა სოციალურ ქსელში წილოსანმა.