საგარეო ურთიერთობათა კომიტეტის თავმჯდომარის პირველი მოადგილე, განათლების, მეცნიერებისა და ახალგაზრდულ საქმეთა კომიტეტის წევრი მარიამ ლაშხი კემბრიჯის უნივერსიტეტის წარმომადგენელს სტივენ კინგს და „Skillwill საქართველოს” დირექტორს ლანა ჩხარტიშვილს შეხვდა.
შეხვედრის მთავარ თემას IT და ICT (ინფორმაციული და საკომუნიკაციო ტექნოლოგიები) განათლება წარმოადგენდა.
„განვიხილეთ ბრიტანეთსა და საქართველოს შორის განათლების მიმართულებით თანამშრომლობის გაღრმავების საკითხები. ვისაუბრეთ ICT განათლებაზე, ქალების ინტეგრირებაზე ინფორმაციულ ტექნოლოგიებში და სკოლებში STEM კურიკულუმის შეტანაზე. საუბარი ასევე შეეხო ინგლისის სტანდარტების მიხედვით სასწავლო სახელმძღვანელოების შექმნასა და მათი გამოცდილების გაზიარების საკითხს“, – განაცხადა მარიამ ლაშხმა.
კომენტარები