მაქსიმალურად დაბალანსებულია „ამნისტიის შესახებ“ კანონპროექტი იმისთვის, რომ პატიმართა რაოდენობა შემცირდეს და კრიმინალური მდგომარეობა საქართველოში არ გაიზარდოს, – ამის შესახებ ფრაქცია „ქართული ოცნების“ თავმჯდომარის მოადგილე არჩილ გორდულაძემ განაცხადა.
მისი თქმით, იქნება მზაობა, რომ არგუმენტირებული შენიშვნები გათვალისწინებული იყოს.
„ღია ვართ ყველა შენიშვნისთვის, ყველა არგუმენტირებული მოსაზრებისთვის და გვაქვს მზაობა, რომ ასეთი შენიშვნები გამოთქმული იქნება და ჩვენც მაქსიმალურად შევეცდებით, რომ გავუთვალისწინოთ. ჩვენი მოსაზრებით მაქსიმალურად დაბალანსებული კანონპროექტია ინიცირებული იმისთვის, რომ ერთი მხრივ პატიმართა რაოდენობა შემცირდეს და მეორე მხრივ კრიმინალური მდგომარეობა საქართველოში არ გაიზარდოს“, – აცხადებს გორდულაძე.
კომენტარები