“მხოლოდ მშვიდობით მხოლოდ კეთილდღეობით მხოლოდ ღირსებით ევროპისკენ – ეს არის “ქართული ოცნების“ სლოგანი”

მხოლოდ მშვიდობით, მხოლოდ კეთილდღეობით, მხოლოდ ღირსებით, მხოლოდ ევროპისკენ – ეს არის „ქართული ოცნების“ სლოგანი, რომელიც განმტკიცებულია 12-წლიანი საქმიანობით, – ამის შესახებ პარლამენტის განათლების, მეცნიერებისა და ახალგაზრდობის კომიტეტის თავმჯდომარემ, საპარლამენტო უმრავლესობის დეპუტატმა გივი მიქანაძემ ჟურნალისტებს განუცხადა.

„მხოლოდ მშვიდობით, მხოლოდ კეთილდღეობით, მხოლოდ ღირსებით, მხოლოდ ევროპისკენ – ეს არის „ქართული ოცნების“ სლოგანი, რომელიც განმტკიცებულია 12-წლიანი საქმიანობით. ეს აუცილებლად, ჩვენი მოსახლეობის უდიდესი მხარდაჭერით, ყველას ერთად, ჩვენს ქვეყანას მიგვიყვანს 26 ოქტომბრის არჩევნებში გამარჯვებისკენ“, – აღნიშნა მიქანაძემ.

გუშინ „ქართული ოცნების“ საარჩევნო კამპანიისა და ახალი ცენტრალური ოფისის გახსნის ღონისძიება გაიმართა. ღონისძიებაში მონაწილეობდა პარტიის საპატიო თავმჯდომარე ბიძინა ივანიშვილი.