“ხალხის ძალა” და “ქართული ოცნება” ერთად მიიღებენ არჩევნებში მონაწილეობას, – ამის შესახებ მმართველი გუნდის საარჩევნო კამპანიის გახსნაზე გახდა ცნობილი.
მოძრაობა „ხალხის ძალის“ წევრის, დეპუტატ ეკა სეფაშვილის თქმით, მათ და “ქართულ ოცნებას” არასდროს ჰქონიათ განსხვავებული შეფასებები.
“ჩვენ ღირებულებითი ერთობა გვაქვს და არც არასდროს არ გვქონია განსხვავებული შეფასებები.
ეს არჩევნები არის ძალიან მნიშვნელოვანი იმ ფაქტის გათვალისწინებით, რომ ჩვენ ვაპირებთ საკონსტიტუციო უმრავლესობით მოსვლას. სხვადასხვა გამოკითხვა ადასტურებს, რომ ამჟამად უმრავლესობის გუნდს 60%-იანი მხარდაჭერა აქვს.
კიდევ უფრო ცხადი გახდება ხალხისთვის ის ტყუილი, ის დეზინფორმაცია, რასაც ოპოზიცია ავრცელებს ხალხში, და ესეც, რა თქმა უნდა, მათ შეუმცირებს მომხრეებს”, – განაცხადა დეპუტატმა.
კომენტარები