პრემიერი მრგვალი მაგიდის ფორმატში ისაუბრებს იმ შესაძლებლობებზე, რომელიც აქვს ჩვენს ქვეყანას. ,- ამის შესახებ საქართველოს საგარეო საქმეთა მინისტრმა, ილია დარჩიაშვილმა ისაუბრა.
მისი თქმით, საქართველოს აქვს პრეტენზია, რომ თავისი განსაკუთრებული როლი შეიტანოს ევროპის ენერგოუსაფრთხოების პოლიტიკაში.
„პრემიერ-მინისტრი მონაწილეობას მიიღებს მრგვალი მაგიდის ფორმატში, სადაც ის ისაუბრებს იმ შესაძლებლობებზე, რომელიც აქვს ჩვენს ქვეყანას, რომელსაც სთავაზობს ჩვენი ქვეყანა ევროპულ ოჯახს და ევროკავშირს. საქართველოს აქვს უნიკალური გეოგრაფიული მდებარეობა. და საკითხები, რომელიც იქნება მრგვალი მაგიდის ფორმატში, ეს არის ენერგეტიკა, ეს არის დაკავშირებადობა. საქართველოს აქვს პრეტენზია და შესაძლებლობა, რომ თავისი განსაკუთრებული როლი შეიტანოს ევროპის ენერგო უსაფრთხოების პოლიტიკაში და თავისი დიდებული წვლილი გვქონდეს ამ მიმართულებით“,-განაცხადა დარჩიაშვილმა.
ცნობისთვის, დღეს საქართველოს პრემიერ-მინისტრი ევროპის პოლიტიკური გაერთიანების სამიტში მიიღებს მონაწილეობას, რომელიც გაერთიანებულ სამეფოში იმართება.