ნატოს გენერალურმა მდივანმა, იენს სტოლტენბერგმა განაცხადა, რომ აშშ-ის როლი უკრაინის მხარდაჭერის საკითხში ძალიან მნიშვნელოვანია.
„ევროპელ მოკავშირეებსა და კანადას მეტის გაკეთება შეუძლიათ. მაგრამ მნიშვნელოვანია, რომ აშშ-მა გააგრძელოს უკრაინის მხარდაჭერა. ეს უნდა იყოს ერთობლივი ძალისხმევა ჩრდილოეთ ამერიკასა და ევროპას შორის, სადაც აშშ არის ყველაზე დიდი მოკავშირე. ამიტომ, მე ველი, რომ აშშ გააგრძელებს უკრაინის მხარდაჭერას“, – აღნიშნა ნატოს გენერალურმა მდივანმა.
სტოლტენბერგის თქმით, უკრაინისთვის ასეთი დახმარების გაწევა შეერთებული შტატების უსაფრთხოების ინტერესებშია.
„პუტინმა რომ გაიმარჯვოს უკრაინაში, ეს იქნება არა მხოლოდ ტრაგედია უკრაინელებისთვის, არამედ მსოფლიოც უფრო სახიფათო გახდება. თუ გვსურს მივიღოთ სიტუაცია, რომელშიც უკრაინა სუვერენული დამოუკიდებელი სახელმწიფოა, მაშინ ამის მიღწევის გზა უკრაინის მეტი მხარდაჭერაა“, – დასძინა მან.