კომპანია „მაიკროსოფტის“ სერვისების პროგრამული უზრუნველყოფის გლობალური გათიშვის გამო, ევროპაში აეროპორტების უმეტესობა შეფერხებით მუშაობს.
ლონდონის გეთვიკის აეროპორტის ადმინისტრაციაში აცხადებენ, რომ შეფერხებით მუშაობს შემოწმების სისტემა. ბერლინის აეროპორტში ამბობენ, რომ ტექნიკური ხარვეზის გამო არ მუშაობს შემოწმების სისტემა.
ამასთან, ამსტერდამის სხიპჰოლის აეროპორტში სისტემის გლობალურმა გათიშვამ რეისების შესრულებაზე გავლენა მოახდინა. შეფერხებით მუშაობს შოტლანდიისა და ედინბურგის აეროპორტებიც. ტექნიკური პრობლემებია ასევე ესპანეთის აეროპორტებში. მადრიდისა და ბარსელონას აეროპორტების ადმინისტრაციაში ამბობენ, რომ შესაძლოა, ტექნიკურმა ხარვეზმა რეისიების განხორციელებაში პრობლემა შექმნას.
პრაღის აეროპორტში ტექნიკური ხარვეზის გამო არ მუშაობს გლობალური შემოწმების სისტემა. „რაინეარი“ ადასტურებს, რომ ავიაკომპანიაში ქსელის შეფერხებაა და ურჩევს მგზავრებს, ჩავიდნენ დაგეგმილ გამგზავრებამდე სულ მცირე სამი საათით ადრე.
ამასთან, პრობლემები აქვს ფრანგულ ავიახაზებს – „ეარ ფრანსს“, ასევე თურქეთის ავიახაზებს, სადაც განაცხადეს, რომ პრობლემებია ბილეთების გაყიდვასთან, შემოწმებასთან და დაჯავშნასთან დაკავშირებით.
კომპანია „მაიკროსოფტის“ სერვისების პროგრამული უზრუნველყოფის გლობალურმა გათიშვამ მსოფლიო მასშტაბით სხვადასხვა კომპანიასა და დაწესებულებაში ქაოსი დღეს გამოიწვია.