გაეროს გენერალურმა მდივანმა, ანტონიო გუტერეშმა დაგმო თელ-ავივზე დრონის გამოყენებით თავდასხმა, რომელზეც პასუხისმგებლობა „ჰუსიტებმა“ აიღეს.
„გენერალური მდივანი კვლავ ღრმად შეშფოთებულია იმ რისკით, რომელსაც მსგავსი საშიში ქმედებები რეგიონში შემდგომი ესკალაციისთვის წარმოადგენს“, – განაცხადა გაეროს გენერალური მდივნის პრესმდივანმა.
თელ-ავივში დრონის აფეთქებას ერთი ადამიანის სიცოცხლე ემსხვერპლა, რამდენიმე კი დაშავდა.
აღსანიშნავია, რომ დრონი ისრაელის ჰაერსაწინააღმდეგო სისტემამ ვერ დააფიქსირა. თელ-ავივში გამაფრთხილებელი სირენაც არ ჩართულა. საბოლოო ჯამში, დრონი ქალაქის ცენტრში, აშშ-ის საკონსულოს შენობასთან ახლოს დაეცა და აფეთქდა.
კომენტარები