ირანის საგარეო საქმეთა სამინისტრო იემენის პორტ „ჰოდეიდაზე“ ისრაელის საჰაერო თავდასხმას გმობს. უწყების ვებგვერდზე გამოქვეყნებულ განცხადებაში აღნიშნულია, რომ თავდასხმა, რომელმაც ნგრევა და მსხვერპლი გამოიწვია, ისრაელის რეჟიმის სისასტიკეს აჩვენებს.
ირანის საგარეო უწყების პრესსპიკერის თქმით, ღაზის სექტორში ჩადენილი დანაშაულებისა და იემენზე თავდასხმების სახიფათო და არაპროგნოზირებად შედეგებზე პირდაპირი პასუხისმგებლობა ისრაელსა და მის მხარდამჭერ შეერთებულ შტატებს ეკისრება.
კომენტარები