კანადის პრემიერ-მინისტრი აშშ-ის საპრეზიდენტო არჩევნებიდან კანდიდატურის მოხსნის შესახებ ჯო ბაიდენის გადაწყვეტილებას ეხმაურება. შესაბამისი განცხადება ჯასტინ ტრიუდომ სოციალურ ქსელში გამოაქვეყნა.
„პრეზიდენტ ბაიდენს დიდი ხანია ვიცნობ. ის დიდი ადამიანია და ყველაფერი, რასაც აკეთებს, ნაკარნახევია მისი ქვეყნის სიყვარულით. როგორც პრეზიდენტი და პარტნიორი ის კანადელების ნამდვილი მეგობარია. მადლობა პრეზიდენტ ბაიდენს და პირველ ლედის“, – წერს ტრიუდო.
აშშ-ის პრეზიდენტი, ჯო ბაიდენი საპრეზიდენტო რბოლას გამოეთიშა. გავრცელებულ განცხადებაში, ჯო ბაიდენმა აღნიშნა, რომ ეს ნაბიჯი პარტიისა და ქვეყნის საუკეთესო ინტერესების გათვალისწინებით გადადგა. ბაიდენმა მხარი დაუჭირა კამალა ჰარისის „დემოკრატიული“ პარტიის საპრეზიდენტო კანდიდატად წარდგენას.
კომენტარები