ჯორჯ სოროსის ვაჟი, ალექს სოროსი ყველას მოუწოდებს აშშ-ის დემოკრატი საპრეზიდენტო კანდიდატის, კამალა ჰარისის გარშემო გაერთიანებისკენ.
სოროსი X-ზე ჰარისთან ერთად გადაღებულ ფოტოს აქვეყნებს და აღნიშნავს, რომ იგი საუკეთესო და ყველაზე კვალიფიციური კანდიდატია.
„დროა ყველანი გავერთიანდეთ კამალა ჰარისის გარშემო და დავამარცხოთ დონალდ ტრამპი. ის არის საუკეთესო და ყველაზე კვალიფიციური კანდიდატი, რომელიც ჩვენ გვყავს. გაუმარჯოს ამერიკულ ოცნებას!“ – წერს სოროსი.
აშშ-ის პრეზიდენტი, ჯო ბაიდენი საპრეზიდენტო რბოლას გამოეთიშა. გავრცელებულ განცხადებაში, ჯო ბაიდენმა აღნიშნა, რომ ეს ნაბიჯი პარტიისა და ქვეყნის საუკეთესო ინტერესების გათვალისწინებით გადადგა. ბაიდენმა მხარი დაუჭირა კამალა ჰარისის „დემოკრატიული“ პარტიის საპრეზიდენტო კანდიდატად წარდგენას.
კომენტარები