“ვფიქრობ ეს ყველაფერი მიმართულია იქითკენ რომ გახარიამ, ხაზარაძემ და მათმა პარტიებმა რაიმე ფორმით 5-პროცენტიანი საარჩევნო ბარიერი გადალახონ”

იუსტიციის მინისტრი, რატი ბრეგაძე გამოეხმაურა „სტრატეგია აღმაშენებლის“ ლიდერის, გიორგი ვაშაძის განცხადებას, რომლის მიხედვითაც, „ლელოს“ და პარტია „საქართველოსთვის“ გაერთიანებისკენ მოუწოდებს.

„ვფიქრობ, ეს ყველაფერი მიმართულია იქითკენ, რომ გახარიამ, გნებავთ ხაზარაძემ და მათმა პარტიებმა რაიმე ფორმით 5-პროცენტიანი საარჩევნო ბარიერი გადალახონ. არ ვფიქრობ, რომ მათი მოწოდებები რაიმე სხვა მიზანს ემსახურებოდეს“, – განაცხადა რატი ბრეგაძემ.