სენატორი ჯეი დი ვენსი აშშ-ის ვიცე-პრეზიდენტ კამალა ჰარისს ჯო ბაიდენის გონებრივი შესაძლებლობების დამალვაში ადანაშაულებს. რესპუბლიკური პარტიის ვიცე-პრეზიდენტობის კანდიდატი აცხადებს, რომ ჰარისი თითქმის ოთხი წელი უმალავდა ამერიკელ ხალხს, რომ ქვეყანას ისეთი პრეზიდენტი მართავს, რომელსაც საქმის კეთება არ შეუძლია.
„კამალა ჰარისი თანამონაწილეა იმ ფაქტის დამალვასა და უარყოფაში, რომ ჯო ბაიდენს არ შეეძლო საკუთარი მოვალეობების შესრულება“, – წერს სოციალურ ქსელში ფლორიდის გუბერნატორი რონ დესანტისიც.
აშშ-ის პრეზიდენტი, ჯო ბაიდენი საპრეზიდენტო რბოლას გამოეთიშა. გავრცელებულ განცხადებაში, ჯო ბაიდენმა აღნიშნა, რომ ეს ნაბიჯი პარტიისა და ქვეყნის საუკეთესო ინტერესების გათვალისწინებით გადადგა. ბაიდენმა მხარი დაუჭირა კამალა ჰარისის „დემოკრატიული“ პარტიის საპრეზიდენტო კანდიდატად წარდგენას.