“ეს ადამიანები როგორც არჩევნებამდე აყენებდნენ შეურაცხყოფას ერთმანეთს და სიძულვილს იჩენდნენ, არჩევნების შემდეგაც გააგრძელებენ იმავეს – ერთმანეთის შეურაცხყოფას, ლანძღვას და ა.შ”, – ამის შესახებ მმართველი გუნდის წევრმა, რატი იონათამიშვილმა განაცხადა.
“ეს ე.წ. გაერთიანებები არის ძალიან დიდი სიყალბე და ფარსი, რომლითაც ჩვენი საზოგადოება არ ტყუვდება. ოპოზიციური პარტიები აჩვენებენ, როგორი დაბალი წარმოდგენა აქვთ ჩვენს საზოგადოებაზე. ჰგონიათ, რომ ვინმეს მოატყუებენ, მაშინ, როცა მათ არანაირი პრინციპები და ღირებულებები არ აქვთ. ერთადერთი უნდათ, როგორმე პარლამენტში მოხვდნენ. საპარლამენტო მანდატისთვის მზად არიან, ყველაფერი იკადრონ და ყველა უღირსობაზე წავიდნენ. შესაბამისად, შემდეგ არავის უნდა გაუკვირდეს, რომ 26 ოქტომბერს მათთვის გამანადგურებელი მარცხი დადგება”, – აღნიშნა იონათამიშვილმა.