პარიზის პოლიციამ 71 წლის ბრაზილიელი მწვრთნელის, ზიკოს (არტურ ანტუნეს კოიმბრა) გაქურდვის საქმეზე გამოძიება დაიწყო. ამის შესახებ Le Parisien-ი წერს.
გაზეთის ინფორმაციით, ზიკო საფრანგეთის დედაქალაქში ბრაზილიის ოლიმპიური დელეგაციის შემადგენლობაში ჩავიდა. მწვრთნელი გუშინ საღამოს გაქურდეს, როდესაც ის სასტუმროსთან ტაქსიში ჯდებოდა. მან პორტფელი, რომელშიც Rolex-ის საათი, ბრილიანტები და ნაღდი ფული იყო, ზიკომ მანქანის უკანა სავარძელზე მოათავსა, თვითონ კი მძღოლის გვერდით დაჯდა. შემდეგ მანქანასთან ერთ-ერთი ეჭვმიტანილი მივიდა და მძღოლსა და ზიკოსთან საუბარი დაიწყო, მისმა თანამზრახველმა კი ამ დროს პორტფელი გაიტაცა. პორტფელში არსებული ნივთების საერთო ღირებულება 500 ათას ევროდ ფასდება.
აღსანიშნავია, რომ იმ მომენტში პორტფელის გაუჩინარება ვერავინ შენიშნა.
ზიკო 1980-იანი წლების ერთ-ერთი ყველაზე გამოჩენილი ბრაზილიელი ფეხბურთელია. მას „თეთრ პელეს“ ეძახიან.
პარიზში დღეს ზაფხულის ოლიმპიური თამაშების გახსნის ცერემონია გაიმართება.