“ახალგაზრდების 75 % უმაღლესში წავიდა, 25 % – პროფესიულში”, – აღნიშნა განათლების მინისტრმა რეფორმის კონცეფციაზე საუბრისას. ალექსანდრე ჯეჯელავას თქმით, შრომის ბაზარზე არსებული ვითარების გათვალისწინებით, პირიქით უნდა იყოს.
“ექთანი, ბუღალტერი, ელექტრიკოსი, შემდუღებელი, ფილების დამგები სანთლით საძებარია. ვეცდებით, უმაღლესი განათლებიდან პროფესიულ განათლებაში გადავიტყუოთ. ჩვენი ამოცანაა, 10 წლის მერე სკოლადამთავრებული ფლობდეს უნარების, რწმენების, ფასეულობების თანამედროვე, საუკეთესო პაკეტს; 75 % წავიდეს პროფესიულ განათლებაში, 25 % – უმაღლესში; ვინც უმაღლესში წავა, მაგარი აკადემიური ტიპი გამოვიდეს, ვინც პროფესიულში – მაგარი სპეციალისტი; მოვიდნენ დაბალანსებულ შრომით ბაზარზე. ვაპირებთ, სკოლა გავხადოთ სახალისო, საინტერესო, არაგადატვირთული ადგილი, სადაც ბავშვები არ იქნებიან დატანჯულები”, – ამბობს განათლების მინისტრი.