“ჩვენ ვფიქრობთ, რომ მოსმენების შესახებ კანონი იმ სახით იქნას გატანილი, როგორც მიიღო პირველადი სახით პარლამენტმა”, – ამის შესახებ საქართველოს პრემიერ-მინისტრმა, გიორგი კვირიკაშვილმა პრეზიდენტის მიერ ე.წ. მოსმენების შესახებ კანონპროექტზე დადებული ვეტოს შესახებ განაცხადა.
გიორგი კვირიკაშვილის თქმით, ხელისუფლებამ ვერ დაინახა არგუმენტი იმისა, რომ ახალი სააგენტოს პირდაპირ დაქვემდებაროს პრემიერს.
„ეს არის ძალიან მნიშვნელოვანი კანონპროექტი ქვეყნის უსაფრთხოებისთვის. ის სტრუქტურები, რომლებზეც არის საუბარი, საბოლო ო ჯამში, არის ისევ და ისევ მთავრობის დაქვემდებარებაში, ამიტომ ამით განსაკუთებული თვისობრივი ცვლილება ვერ მოხდებოდა. ამიტომ ვფიქრობთ, რომ იმ სახით იქნას გატანილი, როგორადაც მიიღო პირველადი სახით პარლამენტმა“, – განაცხადა კვირიკაშვილმა.
საქართველოს პრეზიდენტმა, გიორგი მარგველაშვილმა ე.წ. მოსმენების შესახებ კანონპროექტს ვეტო 20 მარტს დაადო.
კომენტარები