საქართველოს პრემიერ-მინისტრი ირაკლი კობახიძე შოვის ტრაგედიის შედეგად დაღუპულთა ოჯახის წევრებს კიდევ ერთხელ უსამძიმრებს.
ირაკლი კობახიძის თქმით, ეს იყო ძალიან დიდი ტრაგედია, რომელმაც შეძრა მთელი ქვეყანა.
„ერთი წელი გავიდა ზუსტად შოვის ტრაგედიიდან. ყველას გვახსოვს ეს უმძიმესი დღეები, რომლებიც ყველამ გამოვიარეთ. თუმცა, ყველაზე მძიმე, რა თქმა უნდა, ჭირისუფლებისთვის იყო ეს დღეები და კიდევ ერთხელ მინდა მათ მივუსამძიმრო.
ეს იყო ძალიან დიდი ტრაგედია, რომელმაც შეძრა მთელი ქვეყანა. ჩვენი ვალია დღეს, რომ მაქსიმალური ყურადღება და თანაგრძნობა გამოვხატოთ. არის, მათ შორის, კონკრეტული თხოვნები ტერიტორიის მოწესრიგებასთან დაკავშირებით, რაც მნიშვნელოვანია ჭირისუფლებისთვის და აუცილებლად ყველაფერი გაკეთდება იმისათვის, რომ ყველა თხოვნა შევასრულოთ. ასევე, აქ იცით ალბათ, რომ ტაძარი აშენდება. ესეც არის რაღაც ერთგვარი მცირე თანაგრძნობა, რომელიც შეიძლება იყოს გამოხატული იმ ადამიანების მიმართ, რომლებსაც დაეღუპათ საკუთარი ოჯახის წევრები“, – განაცხადა ირაკლი კობახიძემ.